துளித் துளி - முகத்துதி

துளித் துளி - முகத்துதி

 

வாய்ப்புகள் யார்க்கு? - வெகு
வாய்ப்புகழ் வோர்க்கு!

 

தாக்கினால் தாழ்வு - துதி
வாக்கினால் வாழ்வு

 

துதிக்கத் தொடங்கு - பலர்
மதிக்கும் மடங்கு

 

தாங்கத் தாங்க - புகழ்
ஓங்கும் ஓங்கும்

 

முகத்துதி முன்னால்
அகத்துதி பின்னால்

 

துதிசெயத் துதிசெயப் - பல
அதிசயம் அதுசெயும்

 

யாவுக்கும் இன்னுரை - அது
வாழ்வுக்கும் முன்னுரை

 

அள்ளிவிடும் துதி - செயல்
கொள்ளப்படும் மதி

 

அருச்சனைத் திரையில் - பல
பிரச்சனை மறையும்

 

முகத்துக்குச் சொற்கள் - புற
முதுகுக்குக் கற்கள்

 

வாயடிக்கே வாய்க்கும்
காயடிக்கே காய்க்கும்

 

ஆதிக்கம் மேவினும் - துதி
சாதிக்கும் யாவினும்

 

இதழில் கனிரசம்
இதயம் துளிவிஷம்

 

உதட்டில் சொல்வரும்
உள்ளே கல்மிஷம்

 

முகத்துக்கு முன் துதி - நெஞ்சே
அகத்துக்குப் பின் துதி