காமாட்சியம்மன் அந்தாதி நூற்பயன்

வண்ணையம்பதி அருள்மிகு காமாட்சியம்மன் அந்தாதி

 

நூற்பயன்

 

எண்ணுவன கூடும் இணையில்லா வாழ்வுதரும்
நண்ணுவன வெல்லாம் நலமாகும் - திண்ணம்
அருமையுறு காமாட்சி அந்தாதி நூறும்
பெருமையுற ஓதப் பெறின்

 

மடக்கு

 

அந்தாதிப் பாடில்லா அம்மைக்குக் கட்டளையால்
அந்தாதி பாடுவார்க் கன்னவள்தாம் - அந்தாதி
என்னுமாய் உற்றதுணை ஏற்றருள்வாள் மஞ்சளும்பூப்
பொன்னுமாய்ச் செல்வம் பொலிந்து

 

(அந்தாதி = அந்தம் + ஆதி, அந்த + ஆதி, அம் + தாதி)

 

கி. வா. ஜ அவர்களின் பாராட்டுப்பா

 

புவிமணி நெற்றரின் யாரே அதைமெச்சிப்
.. போற்றல்செயார்
சவிமணி யாங்கதிர் வானூறின் யாவரே
.. தாழகிலார்
செவிமணிச் சொற்கொள் தமிழ ழகன்றமிழ்
.. தந்துசந்தக்
கவிமணி என்றும் பெயர்பெற்று நின்றான்
.. கவினுறவே