துளித் துளி - ஜனநாயகம்

ஜனநாயகம்

 

சூழல்கள் தோறும் - கொள்ளை
ஊழல்கள் தேறும்

 

ஜனநாயகம் வாதிக்கும் - எனில்
பணநாயகம் சாதிக்கும்

 

தலைகளை எண்ணுதல் - பின்
தலைமைகள் பண்ணுதல்

 

தேர்தலின் தோறும் - உள்
ஊர் தலை மாறும்

 

பொதுநலம் போர்வை - தனக்(கு)
எதுநலம் பார்வை

 

கொள்கைகள் மாறும் - பணம்
கொள் கைகள் சேரும்

 

கோட்டை பிடிப்பார் - பின்
தேட்டை அடிப்பார்

 

சுருட்ட நிதம்நிதம் - பணம்
திரட்ட விதம்விதம்

 

சகலமும் சுதந்திரம் - பணம்
நகரவும் தந்திரம்

 

சட்ட சபைதான் - தினம்
திட்ட அவைதான்

 

ஓட்டுகள் வேட்டை - பண
நோட்டுகள் கோட்டை

 

வாக்குகள் அப்புறம் - செல்
வாக்குகள் நட்புறும்

 

தேவைக்கு வையும் - பணச்
சேவைக்கு மையம்

 

நீட்டும் நிதிகள் - கை
காட்டும் விதிகள்

 

வாக்குகள் உறுதி - காலப்
போக்கு கொள் மறதி

 

எல்லாம் இலவசம் - எனும்
சொல்லால் வலைநிசம்

 

நாற்காலில் நாட்டம் - எல்லாம்
ஊர்க்காலிக் கூட்டம்

 

காந்திய நாளில் - பணக்
காந்தியம் தாளில்