விளக்கீடு

விளக்கீடு

 

பூவகலில் வண்ணமணிப்
.. பூச்சிவிளக்கேற்றுது - கண்
பாவைஅதைக் காண உடன்
.. பார்வை விளக்கேற்றுது!

 

தோரணமாய் வானவில்லும்
.. தொடர விளக்கேற்றுது - அதன்
காரணமாய் மங்கைகண்ணும்
.. கனவை விளக்கேற்றுது!

 

வனமயிலும் தோகையிலே
.. வரிசை விளக்கேற்றுது - அதை
இனமடவார் கண்ணு ஏறுந்தி
.. இன்ப விளக்கேற்றுது!

 

ஓடையில் நீர்க் குமிழியும்தான்
.. ஊடிவிளக்கேற்றுது - அதைச்
சாடையில் கண் பார்க்கவும் தான்
.. சலன விளக்கேற்றுது!