துளித் துளி - கவியரங்கம்

கவியரங்கம்
(இன்றையக் கவியரங்கங்கள் பற்றிய ஒரு கண்ணோட்டம்)

அவிநயம் ஆச்சு
கவிநயம் போச்சு

பட்டியல் நீண்டது
பாட்டியல் மாண்டது

சொற்களின் பந்தல் - வெறும்
புற்களின் கந்தல்

யாப்புக்கே ஆப்பு - அரை
யாப்புக்கே வாய்ப்பு

இலக்கண வரட்டி - அதை
விலக்கணும் விரட்டி

சீரங்கம் திருச்சிதான்
பாரெங்கும் முறிச்சுத்தான்

அப்பளந் தட்டுதல் - வெறும்
சப்பைக்கை கொட்டுதல்

அரட்டை அரங்கம் - பொய்
புரட்டுச் சுரங்கம்

வார்த்தை ஜாலங்கள் - இடம்
பார்த்தலங் கோலங்கள்

வெறும்ஆர்ப் பாட்டம் - சொல்
பெரும்போர்க் கூட்டம்