துளித் துளி - இல்லறம்

இல்லறம்

 

மனைஅறம் மாண்புகொள் - பெண்
துணைபெறத் தான்புகழ்

 

பெண்மையைப் பெருமைசெய் - அதன்
திண்மையைத் திறமும்செய்

 

குடும்பம் குடும்பம்தான் - அதில்
படும்படும் இன்பம்தான்

 

கட்டிலுக் கிருவர் - காதல்
மட்டிலும் ஒருவர்

 

ஒருவர்க் கொருவர் - அக
உறவில் நிறைவர்

 

காற்கட்டும் உண்டுதான் - அதன்
மேற்கட்டும் கொண்டுதான்

 

அறமே அன்புதான் - காதல்
திறமே தெம்புதான்

 

புணரியல் காவியம் - உடல்
திணறிய ஓவியம்

 

பந்த பாசம் - இடை
வந்த வாசம்

 

பாச பந்தம் - முகம்
மூசும் சந்தம்

 

மையல் கொஞ்சும்தான்
சமையல் கொஞ்சம்தான்

 

ஊடலின் கூடம்
கூடலின் மாடம்

 

ரசங்கள் எதற்கும்
சரசங்கள் மிதக்கும்

 

ரகசியம் காதல் - உயிர்க்(கு)
அவசியம் நேர்தல்

 

ஆண்பெண் வசியம்
காண்ப(து) அவசியம்

 

பொழுதும் புசியும் - வாழ்வு
முழுதும் ரசியும்

 

பகலில் மணந்தார் - இடை
புகலில் இணைந்தார்

 

மாமியார் படித்தனம்
சாமியார் குடித்தனம்

 

மருமகள் குடித்தனம்
வருமிகழ் படித்தனம்

 

அரங்கத் திருமணம் - அந்
தரங்கத் தொருமணம்