போலிகள்

போலிகள்

 

விளக்கினை ஏற்றிவிட்டுக் - காற்றை
.. விசிறவும் வைப்பாரோ? - உடல்
அழுக்கினைப் போக்கிவிட்டுச் - சேற்றை
.. அளையவும் துய்ப்பாரோ?

 

தேசியம் பேசுகிறார் - ஆனால்
.. திருடுகள் பண்ணுகிறார் - புகழ்ந்(து)
ஆசியும் கூறுகிறார் - ஆனால்
.. அழிவையே எண்ணுகிறார்

 

போலியும் தாம் இவர்கள் - ஏன், நெப்
.. போலியன் போல் நடிப்பார்? - காவல்
வேலியே தன் பயிரை - மேயும்
.. வித்தையும் மேல் படிப்பார்

 

என்ன மனிதர் இவர்? - ஆமாம்
.. ஏமாற்ற வல்லவர் தாம் - ஓர்நாள்
அன்னவர் வேடமெலாம் - தீரும்
.. அதுவரை நல்லவர் தாம்!